Interventi bbażati fil-komunità

F’dan il-modulu aħna se nesploraw metodi kollaborattivi bbażati fuq il-komunità li se jikkontribwixxu biex jirriżolvu kwistjonijiet rikorrenti, sija dawk sempliċi u sija dawk ta’ sfida, li jxekklu t-tkabbir u l-iżvilupp tal-komunità. L-interventi komunitarji joħorġu bħala importanti u aktar effettivi biex itejbu l-kwalità tal-ħajja tal-komunità għaliex il-prinċipju maġġuri tagħhom hu li jassenjaw rwol mexxej attiv lill-membri tal-komunità nfushom. Huma jirrikonoxxu wkoll is-saħħa u l-kapaċitajiet tal-individwi u permezz ta’ azzjonijiet konġunti jistgħu jakkwistaw ir-riżultati mixtieqa.
Rwol importanti wkoll hu assenjat lil persuni li jaħdmu maż-żgħażagħ, li għandhom l-abbiltà li jinizjaw u jiggwidaw dawn l-interventi bħala punti ta’ konnessjoni bejn iż-żgħażagħ u l-komunità. Il-persuni li jaħdmu maż-żgħażagħ jistgħu jgħinu liż-żgħażagħ jiżviluppaw soft skills u jinkuraġġuhom biex jipparteċipaw f’attivitajiet li jibbenefikaw lill-komunità. Iż-żgħażagħ jistgħu jiffunzjonaw bħala aġenti ta’ bidla għaliex dawn jistgħu jimplimentaw il-prinċipji u l-prattiċi tal-interventi bbażati fil-komunità sabiex jirrisolvu l-kwistjonijiet li direttament jaffetwawhom.
Matul dan il-modulu, l-importanza ta’ komunitajiet magħquda fir-riżoluzzjoni tal-problemi se tiġi indikata, ladarba ovvjament dawn jidentifikaw u jirrikonoxxu r-riżorsi tagħhom li se jiġu użati biex jindirizzaw il-kwistjonijiet tagħhom. Azzjonijiet parteċipatorja u inizjattivi komprensivi huma fil-qofol tas-soċjetà demokratika, u jiddefendu u jiġġieldu għall-ġustizzja soċjali u l-ewkità, u b’hekk jimmiraw lejn l-iżvilupp u l-prosperità.

OBJETTIVI TA’ TAGĦLIM

Sal-aħħar ta’ dan il-modulu, persuni li jaħdmu maż-żgħażagħ se jkunu kapaċi:

• Jiddeskrivu l-kunċett ta’ interventi bbażati fil-komunità.
• Jirrikonoxxu l-impatt ta’ programmi ta’ interventi bbażati fil-komunità.
• Jifhmu l-irwol importanti tal-komunitajiet fir-riżoluzzjonijiet tal-problemi.
• Jitgħallmu biex jevalwaw il-bżonnijiet tal-komunità.
• Jiddisinjaw pjan t’azzjoni għal intervent li jsegwi struzzjonijiet pass b’pass.
• Jifhmu l-importanza biex jimmobilizzaw ir-riżorsi u l-isħubijiet tal-komunità.
• Jiddefinixxu l-Iżvilupp tal-Komunità Bbażat fuq l-Assi.
• Japplikaw Riċerka ta’ Azzjoni Parteċipatorja.
• Jifhmu l-benefiċċji ta’ inizjattivi ta’ impatt kollettiv.